Terrassa Green Tower

თბილისში

საცხოვრებელი კომპლექსი Terrassa Green Tower - მრავალფეროვანი დაგეგმარების ბინების მქონე მშენებარე კომპლექსია, რომელიც მდებარეობს განვითარებულ უბანში მეტროსადგურიდან არც ისე შორს.

სად მდებარეობს

საცხოვრებელი კომპლექსი Terrassa Green Tower შენდება თბილისში, გლდანის რაიონში ვ. სარაჯიშვილის პროსპექტისა და ქერჩის ქუჩის კვეთაზე. მშენებარე კორპუსიდან 800 მეტრშია მდინარე მტკვრის სანაპირო და 3,5 კილომეტრზე ნაკლები მანძილია თბილისის წყალსაცავამდე. მშენებარე კორპუსთან ახლოს გადის საავტომობილო გზა.

ინფრასტრუქტურის შესახებ - რა მდებარეობს ახლოს

მშენებარე კორპუსის სიახლოვეს განლაგებულია ქსელური სუპერმარკეტი, სხვადასხვა პროფილის მაღაზიები, მათ შორის სასურსათო, საცხობი, კაფე, რესტორნები, სწრაფი კვების ობიექტები და ბანკის განყოფილებები. კილომეტრის რადიუსში განლაგებულია სავაჭრო ცენტრი City Mall Gldani, „ლას-ვეგასი“ და „ მერი“.

სასწრაფო დახმარების განყოფილებამდე 770 მეტრია, ხოლო 3 კილომეტრში მდებარეობს ბავშვთა ცენტრალური საავადმყოფო, სტომატოლოგიური კლინიკა და სხვა მრავალი სამედიცინო ცენტრი.

მშენებარე კორპუსის სიახლოვეს - კილომეტრის რადიუსშია განლაგებული არაერთი ზოგადსაგანმანათლებლო სკოლა № 16, №33, №48, №138, №143, №154, №160, საბავშვო ბაღი №89, ბაღი-სკოლა- №167, პოლიციის აკადემია და უმაღლესი საგანმანათლებლო დაწესებულება East European University.

ტრანსპორტის ხელმისაწვდომობა

საზოგადოებრივი ტრანსპორტის გაჩერება მდებარეობს კომპლექსთან ახლოს. აქ მოძრაობენ ავტობუსები №11, №23, №70, №108 . კომპლექსიდან 600 მეტრშია უახლოესი მეტროსადგური „სარაჯიშვილი“, ხოლო მეტროსადგური „ახმეტელის თეატრი“ განლაგებულია 20 წუთის სავალ გზაზე.

სამი კილომეტრის დაშორებით განლაგებულია გლდანის ავტოსადგური. თბილისის რკინიგზის და ავტო სადგური „დიდუბე“ მდებარეობს კომპლექსიდან ექვსი კილომეტრის დაშორებით. შოთა რუსთაველის სახელობის თბილისის საერთაშორისო აეროპორტამდე მისასვლელად საჭიროა დაახლოებით 40 წუთი.

საცხოვრებელი კომპლექსის შესახებ

ახალ საცხოვრებელ კომპლექსში Terrassa Green Tower გათვალისწინებულია 15-18 სართული. კორპუსი დაპროექტებულია თანამედროვე არქიტექტურულ სტილში და შენდება მოწინავე ტექნოლოგიებისა და უმაღლესი ხარისხის სამშენებლო მასალების გამოყენებით.

შენობის სახურავი სრულად ექსპლუატირებადი იქნება, მასზე მოეწყობა ტერასული გამწვანება და დასვენების ზონები. შენობა აგებულია მონოლითური რკინა-ბეტონის კარკასული კონსტრუქციითა და მყარი მონოლითური საძირკველით. მშენებლობისას გამოიყენება „ბედეგის“ წარმოების ენერგოეფექტური იზობლოკი. სახლის ფასადის მოპირკეთდება ქვის ფილებით.

შენობა აღჭურვილი იქნება ორი ჩქაროსნული უხმო ლიფტით, დამონტაჟდება ხანძარსაწინააღმდეგო სიგნალიზაცია, ხორციელდება საინჟინრო კომუნიკაციების, მათ შორის ბუნებრივი აირის მონტაჟი და დაერთება ცენტრალურ საქალაქო ქსელზე. პროექტის თანახმად სრულდება საერთო მოხმარების ზონებისა და სადარბაზოების დიზაინერული გაფორმება.

კეთილმოწყობა

კორპუსის მობინადრეებისთვის შენდება დიდი მიწისქვეშა პარკინგი. პირველი ორი სართული დაეთმობა კომერციულ ფართებს, სადაც განლაგებული იქნება არაერთი მაღაზია, აფთიაქი თუ სხვა ინფრასტრუქტურული ობიექტი. კომპლექსის გარშემო ტერიტორიაზე მოეწყობა ტროტუარები და საფეხმავლო ბილიკები.

დამონტაჟდება თანამედროვე ქუჩის სანათები, კომპლექსის ტერიატორია იქნება გამწვანებული, მოეწყობა სარეკრეაციო ზონები, დაირგება დეკორატიული მცენარეები და ხეები.

მყუდრო დასასვენებელი ადგილების გარდა, შენობის სახურავზე ბავშვებისთვის მოეწყობა სხვადასხვა გასართობი სათამაშო და სპორტული საშუალებებით აღჭურვილი მოედანი.

ბინების შესახებ

ბინის შეძენა შესაძლებელი იქნება მესამე სართულიდან. საცხოვრებელი ბინების ფართი მერყეობს 53 დან - 126 კვ.მ -მდე, გაყიდვაშია ერთ, ორ, სამ და ოთხ ოთახიანი ბინები, რომლებიც სრულად აკმაყოფილებენ კომფორტისა და მომსახურების თანამედროვე სტანდარტებს.

საცხოვრებელი ბინები ბარდება თეთრი კარკასის მდგომარეობით. ბინის ღირებულებაში შედის:

• ამოშენებული ტიხრები
• გალესილი კედლები
• მოჭიმული იატაკი
• ბინაში შესასვლელი მთავარი კარი
• გათბობის მილები

ბინებში მონტაჟდება რეჰაუს უმაღლესი ხარისხის მეტალო-პლასტმასის კარ-ფანჯარა, შემინული ენერგოეფექტური მინა-პაკეტით. აივნების შემინვა გათვალისწინებული არ არის. აივნის იატაკი მოპირკეთდება ყინვაგამძლე ფილებით.

ბინის რეალიზაცია ხორციელდება ნაღდი ანგარიშწორებით, ერთიანი გადახდით, გარდა ამისა შესაძლებელია გაფორმდეს განვადება - პირველადი შენატანი ბინის ღირებულების 10 %. ბინის შეძენის პირობებისა და ტექნიკური მახასიათებლების დეტალური გაცნობა შესაძლებელია კომპანიის გაყიდვების ოფისში.

ვინ აშენებს

მშენებარე კომპლექს აშენებს კომპანია Terrassa Group, დაფუძნებული 2013 წელს, რომლის საქმიანობა უკავშირდება საცხოვრებელი უძრავი ქონების მშენებლობას ქ. თბილისსა და ბათუმში. Terrassa Group -ის მშენებარე კორპუსების მთავარი თავისებურებაა კორპუსის სახურავზე განლაგებული გამწვანებული ტერასები. კომპანიის პორტფოლიო ითვლის, როგორც ქალაქის ცენტრში განლაგებულ პრესტიჟულ მრავალსართულიან შენობებს, ისე საშუალო სართულიანობის, დაბალ ბიუჯეტიან საცხოვრებელ სახლებს.