იყიდება 310 კვ.მ. 5 ოთახიანი სახლი თბილისში, ანდრია რაზმაძეს ქუჩა. ფასი — $1,800,000

იყიდება ახალი აშენებული, კერძო სახლი ვაკეში, რაზმაძის ქუჩაზე, გამორჩეული მინიმალისტური დიზაინით, ღია სივრცეებითა და უხვი ბუნებრივი განათებით. რაზმაძის ქუჩა მდებარეობს ირაკლი აბაშიძის და ტიციან ტაბიძის ქუჩებს შორის, ვაკის პარკამდე ფეხით 5 წუთის სავალ მანძილზე. სახლის ინტერიერი გამოირჩევა მაღალი ჭერებით, დიდი ვიტრაჟებით, ჭერის ფანჯრებითა და მრავალდონიანი გეგმარებით. მისაღები და თანამედროვე სამზარეულო გაერთიანებულია ერთ დიდ, ღია სივრცეში, რომლის განსაკუთრებული არქიტექტურული აქცენტია ჭერიდან ჩამოკიდებული Gyrofocus-ის ბუხარი. დიდი სლაიდური ვიტრაჟები ინტერიერს ვიზუალურად აკავშირებს ეზოსთან და სახლს მთელი დღის განმავლობაში ბუნებრივი განათებით უზრუნველყოფს. სახლი მოიცავს 6 ოთახს, მათ შორის 3 საძინებელს საკუთარი სველი წერტილებით, სამუშაო სივრცეს, რომლის გადაკეთებაც მარტივად შესაძლებელია მეოთხე საძინებლად, ასევე სტუმრის სველ წერტილს, ტექნიკურ ოთახს და ავტოფარეხს. სააბაზანოები შესრულებულია თანამედროვე მინიმალისტურ სტილში, დიდი სარკეებით, მინის საშხაპეებითა და ბუნებრივი განათებით ჭერის ელექტრო ფანჯრების მეშვეობით. სახლის უკანა მხარეს მდებარეობს კერძო გამწვანებული ეზო საცურაო აუზით, რომელიც გადის ტიციან ტაბიძის ქუჩაზე და მშვიდ და მყუდრო გარემოს ქმნის. სახლი განსაკუთრებით საინტერესოა მათთვის, ვინც აფასებს თანამედროვე არქიტექტურას, დიდ და ნათელ სივრცეებს, მინიმალისტურ დიზაინს და ქალაქის ცენტრში კერძო სახლის კომფორტს.