Comfort Palace Abashidze

საცხოვრებელი კომპლექსის შესახებ

კომპლექსი House on Abashidze 17 არის მრავალსართულიანი საცხოვრებელი სახლი, რომელიც დაპროექტებულია თანამედროვე სტილში და განლაგებულია ზღვის სანაპიროდან რამოდენიმე წუთის სავალზე.

მდებარეობის შესახებ

საცხოვრებელი კომპლექსი House on Abashidze 17 შენდება ქ. ბათუმის განვითარებულ რაიონში. საცხოვრებელი კომპლექსიდან 600 მეტრის დაშორებით მდებარეობს ზღვის სანაპირო, არდაგანის ტბა და ცნობილი მოცეკვავე შადრევნები. ახლოს არის განლაგებული აუცილებელი ინფრასტრუქტურა, მოქნილი სატრანსპორტო მოძრაობა საშუალებას იძლევა ადვილად მოხვდე საკურორტო ქალაქის ნებისმიერ ადგილას. მანძილი ბათუმის საზღვაო პორტსა და საბაგირო სადგურ „არგო“ -მდე 3 კილომეტრია.

ინფრასტრუქტურის შესახებ

კომპლექსის გარშემო მდებარეობს სხვადასხვა პროფილის მაღაზია, ქსელური სუპერმარკეტები, სასტუმროები, კაფე-ბარები, ეროვნული და ევროპული სამზარეულოს რესტორნები, სწრაფი კვების ობიექტები, აფთიაქი და რამოდენიმე საბანკო განყოფილება. 6 წუთის სავალ გზაზეა განლაგებული სასურსათო ჰიპერმარკეტი Carrefour.

კომპლექსიდან 350 მეტრის დაშორებით მდებარეობს საერთაშორისო საუნივერსიტეტო ჰოსპიტალი „ბათუმი“ და ბათუმის საერთაშორისო უნივერსიტეტი, კილომეტრის დაშორებითაა ბავშვთა და რეფერალური საავადმყოფოები, მსხვილი სავაჭრო ცენტრი Metro City განლაგებულია 1,5 კილომეტრის დაშორებით. 2 კილომეტრში მდებარეობს 6 მაისის პარკი, დელფინარიუმი, ბათუმის აკვარიუმი, ზოოპარკი და ზაფხულის კინოთეატრი.

5 წუთში შესაძლებელია მისვლა ზოგადსაგანმანათლებლო სკოლამდე, კომპლექსის სიახლოვეს არის საბავშვო ბაღები, 1,5 კილომეტრშია ქართულ-ამერიკუი სკოლა.

ტრანსპორტის ხელმისაწვდომობა

საზოგადოებრივი ტრანსპორტის მოძრაობა ხორციელდება ტბელ-აბუსერიძის ქუჩაზე, გაჩერება მდებარეობს კომპლექსიდან 130 მეტრის დაშორებით. საზოგადოებრივი ტრანსპორტის მოძრაობის მინიმალური ინტერვალი 5-8 წუთია.

ბათუმის ძველ ავტოსადგურამდე მანძილი არის 3,5 კილომეტრი, ხოლო ბათუმის რკინიგზის სადგური და ავტოსადგური „ბათუმი ცენტრალი“ – 6,5 კმ-ის დაშორებითაა განლაგებული. ბათუმის საერთაშორისო აეროპორტამდე ავტომობილით საჭიროა დაახლოებით 10 წუთი.

კომპლექსის პარამეტრები

საცხოვრებელი კომპლექსი House on Abashidze 17 - 12 სართულიანი მშენებარე კომპლექსი ბრტყელი სახურავით, რომელიც აღჭურვილია შიდა წყალსაწრეტით და დაფარულია წყალგაუმტარი გრაგინილით. მშენებარე კორპუსს გააჩნია მონოლითური კარკასი და მყარი მონოლითური საძირკველი.

მშენებელი კომპანია მშენებლობისას იყენებს მოწინავე ტექნოლოგიებს, რომლებიც უზრუნველყოფენ კომპლექსის მაღალ საექსპლუატაციო მახასიათებლებს. მშენებლობის მიმდინარეობისას ფასადი შეფუთული იქნება ეკოლოგიურად უსაფრთხო თბოიზოლატორით, რაც იძლევა ენერგოეფექტურობის გარანტიას, იგეგმება ფასადის დეკორატიული ბათქაშით მოპირკეთება.

პირველი სართულის დონეზე სრულდება ვიტრაჟული შემინვა. შენობის ტექნიკური აღჭურვა შეესაბამება თანამედროვე სტანდარტებს - დამონტაჟდება ჩქაროსნული, უხმო, მაღალი ტვირთამწეოვბის ლიფტები, აუცილებელი საინჟინრო კომუნიკაციები, რომლებიც უზრუნველყოფენ საცხოვრებელი კომპლექსის სისტემის გამართულ მუშაობას.სრულდება სადარბაზოებისა და საერთო მოხმარების ადგილების ხარისხიანი შიდა მოპირკეთება.

შიდა ტერიტორიის კეთილმოწყობა

კომპლექსის გარშემო ტერიტორიაზე მოეწყობა მისასვლელი გზები და საფეხმავლო ბილიკები, რომელთა გასწვრივ დამონტაჟდება გარე განათება. კომპლექსის ეზოში მოეწყობა მიწისზედა დროებითი საპარკინგე ადგილები, შენდება მიწისქვეშა პარკინგი. მობინადრეებისთვის მოწყობილი იქნება დასასვენებელი ზონა. კომპლექსის ტერიტორია იქნება გამწვანებული, დაირგება დეკორატიული მცენარეები და ხეები.

საცხოვრებელი ბინების რეალიზაცია

პროექტის მიხედვით გაყიდვაშია ერთ და ორ ოთახიანი ბინები. საცხოვრებელი ბინების ფართი მერყეობს 40 დან - 93 კვ.მ -მდე. მობინადრეებს სთავაზობენ საცხოვრებელი ბინების ჩაბარებას თეთრი და შავი კარკასის მდგომარეობით.

ბინის საფასურში შედის შემოსასვლელი რკინის კარი და დიდი მეტალოპლასტმასის კარ-ფანჯრა ენერგოეფექტური მინა-პაკეტით, აივნის შემინვა არ არის გათვალისწინებული.

გაყიდვების ოფისში შესაძლებელია დამატებითი ინფორმაციის დაზუსტება გადახდის სხვადასხვა საშუალებების, განვადებისა და იპოთეკის პირობების შესახებ, აგრეთვე პროექტის ტექნიკური მახასიათებლების შესახებ დეტალური ინფორმაციის მიღება.

ვინ აშენებს

სამშენებლო სამუშაოებს აწარმოებს კომპანია Comfort Palace, რომლის საქმიანობა უკავშირდება ქ. ბათუმში საცხოვრებელი უძრავი ქონების მშენებლობას. კომპანიას პორტფოლიოში გააჩნია არაერთი წარმატებულად რეალიზებული პროექტი.