სახლი ოპერასთან

ინფორმაცია სახლის შესახებ

საცხოვრებელი კომპლექსი "სახლი ოპერასთან" მდებარეობს თბილისში, მთაწმინდის რაიონში, სულ რამდენიმე ათეულ მეტრში მდინარე მტკვრიდან, 9 აპრილის პარკის მეზობლად.

შენობასთან ახლოს არის ავტობუსების გაჩერება და მიმდებარედ გადის მრავალი სამარშრუტო ტაქსი, აქვეა მოსახერხებელი გასასვლელი გზატკეცილზე და ასევე მშრალ ხიდზე. უახლოეს მეტროსადგურამდე "რუსთაველი", არა უმეტეს შვიდასი მეტრია.

რა არის გარშემო

მეზობლად მდებარეობს ოპერისა და ბალეტის თეატრი, სამედიცინო ცენტრი, პოლიციის განყოფილება, რესტორანი და მრავალი სხვადასხვა პროფილის მაღაზია. იქვე ახლოსაა აკადემიური თეატრი, კინოს სახლი, მეცნიერებათა აკადემია და სკოლა. შორიახლოს განლაგებულია სავაჭრო და გასართობი ცენტრები.

ძირითადი პარამეტრები

საცხოვრებელი კომპლექსი "სახლი ოპერასთან" იდეალურად ჯდება გარემომცველ არქიტექტურულ ანსამბლში. ახალაშენებული კომპლექსი წამყვანი კომპანია–მომწოდებლების მაღალი ხარისხის და თანამედროვე მასალებითაა აგებული. დეველოპერმა გამოიყენა მოწინავე ტექნოლოგიები, რამაც უზრუნველყო ექსკლუზიური დიზაინი, ასევე შენობის ექსპლუატაციის მაქსიმალური ვადა.

დიდი ფანჯრები მოჭიქულია ენერგიის დამზოგავი მინაპაკეტით, რაც ბუნებრივი დღის სინათლის ეფექტური გამოყენების საშუალებას იძლევა.

ახალი კორპუსის ინფრასტრუქტურა

მიუხედავად მიკრორაიონის მჭიდრო განაშენიანობისა, საცხოვრებელ კომპლექსს "სახლი ოპერასთან" გააჩნია უკანა ეზო გამწვანებული ზონითა და ბაღით. პროექტით გათვალისწინებულია:

• კორპუსის პირველ და მეორე სართულებზე პარკინგის მოწყობა;
• საოფისე ფართები კომერციულ ზონაში საკუთარი იზოლირებული შესასვლელით;
• კარგად აღჭურვილი საბავშვო მოედანი.

ბინების რეალიზაცია

ბინის ყიდვა დეველოპერისგან "Ideco" შესაძლებელია სრული რემონტით ან თეთრი კარკასის მდგომარეობით. შეთავაზებული ბინების ფართობი 82 კვ.მ. – 357 კვ.მ. –მდეა.გადახდის პირობები და განვადების გაფორმების შესაძლებლობის დასაზუსტებლად დარეკეთ ტელეფონზე, რომელიც სამშენებლო კომპანიის ოფიციალურ ვებგვერდზეა გამოქვეყნებული.