Elysium Tbilisi

Elysium — პრემიუმ კლასის კლუბური ტიპის საცხოვრებელი სახლია, რომელიც უკვე მიღებულია ექსპლუატაციაში. კომპლექსი მდებარეობს თბილისში, ელიას მთაზე — რომელიც მაღალი საინვესტიციო პოტენციალითა და უძრავი ქონების მუდმივი ზრდით გამოირჩევა. Elysium-ის კონცეფცია დაფუძნებულია კლუბური სახლის იდეაზე — აქ მხოლოდ 14 ბინაა, 138–191 მ² ფართობით. ოთხსართულიანი შენობა ორ სადარბაზოს მოიცავს. თითოეულ სართულზე განთავსებულია მხოლოდ ორი ბინა, რაც უზრუნველყოფს მშვიდ გარემოსა და მაქსიმალურ პრივატულობას.

ყველა ბინას აქვს ტერასა, საიდანაც იშლება ქალაქის ერთ-ერთი ყველაზე შთამბეჭდავი ხედი: ისტორიული თბილისის ცენტრი, სამების ტაძარი, ვერა, ვაკე, სოლოლაკი, მთაწმინდა, ნარიყალა და ძველი თბილისის განათებული პანორამა. მშენებლობა მიმდინარეობდა ზედმეტი სიჩქარისა და კომპრომისების გარეშე; მაქსიმალური ყურადღება ეთმობოდა თითოეულ დეტალსა და ხარისხს.

შესაბამისად, Elysium-ში დაგხვდებათ:

• თანამედროვე არქიტექტურა, რომელიც ჰარმონიულად არის შერწყმული ტრადიციულ ქართულ ელემენტებთან;
• მაღალი ხარისხი ;
• პანორამული ტერასა, საიდანაც იშლება ხედი მთელ ქალაქზე; სრულ პერიმეტრზე განლაგებული მწვანე ზონა, დასასვენებელი სივრცე, სპორტული კუთხე და ჯაკუზი;
• დახურული და დაცული ტერიტორია — სიმშვიდე, რომელიც ქალაქის ცენტრიდან რამდენიმე წუთის სავალზეა;
• მიწისქვეშა პარკინგი:
• პრემიუმ კლასის KONE-ის ფირმის ლიფტები;
• ავტონომიური საინჟინრო სისტემები — წყლის რეზერვუარი (რომელიც 70 ტონა წყალს იტევს) და გენერატორი, რაც უზრუნველყოფს შეუფერხებელ მუშაობას ქალაქის ქსელის გათიშვის შემთხვევაშიც
• 3.2-მეტრიანი მაღალი ჭერი, პანორამული ფანჯრები და თავისუფალი დაგეგმარება.

ბინები ბარდება ყველა ძირითადი კომუნიკაციით: დასხმულია იატაკი, გაყვანილია წყლის, გაზის, გათბობისა და კანალიზაციის სისტემები, მომზადებულია ყველა საკომუნიკაციო წერტილი. თავისუფალი დაგეგმარება მფლობელს შესაძლებლობას აძლევს თავად შექმნას ინტერიერის სტილი და ყველა დეტალი საკუთარ გემოვნებას მოარგოს.

კომპლექსს აქვს ტექნიკური მომსახურება, რომელიც უზრუნველყოფს სახლში წამოჭრილი პრობლემების პირველად გადაწყვეტას. და საჭიროების შემთხვევაში შესაბამისი სამსახურების გამოძახებას. ელიას რაიონი და მისი მიმდებარე ტერიტორიები თბილისის მასშტაბური ურბანული განვითარების ზონაში შედის.

ამავე ტერიტორიაზე იგეგმება ახალი სამთავრობო ქალაქის შექმნა, სადაც აშენდება თბილისის ახალი მერია და თავს მოიყრის ქვეყნის ძირითადი სახელმწიფო უწყებები და ადმინისტრაციული სტრუქტურები.

შესაბამისად, ექსპლუატაციაში შესული ხედიანი საცხოვრებელი სახლები უახლოეს პერიოდში იშვიათ და მოთხოვნად პროდუქტად იქცევა, რაც უძრავი ქონების ღირებულების ზრდის მაღალ პოტენციალს ქმნის და უზრუნველყოფს ობიექტის მაღალ ლიკვიდობას როგორც საშუალო, ისე გრძელვადიან პერიოდში.

მყიდველს შესაძლებლობა აქვს ისარგებლოს დეველოპერის მიერ შეთავაზებული უპროცენტო განვადებით (ერთი წლის ვადით), ასევე სურვილის შემთხვევაში მიიღოს იპოთეკური სესხი პარტნიორი ბანკებისგან (Solo Bank, Basis Bank). პროექტის დეველოპერია Elia Construction.