მწვანე კონცხი ბოტანიკო

ბათუმში

მწვანე კონცხი ბოტანიკო უნიკალური პროექტია, რომელიც შავი ზღვის კენჭოვანი სანაპიროს მოპირდაპირედ, ბათუმის ბოტანიკური ბაღიდან ფეხით 2 წუთის სავალზე მდებარეობს და მარადმწვანე სუბტროპიკულ გარემოშია ჩაფლული. პროექტის მშენებლობა 2023 წელს დასრულდა. კომპლექსი ორ 7-სართულიან საცხოვრებელ კორპუსს და ერთ გამაჯანსაღებელ და სარელაქსაციო შენობას მოიცავს. ის 80 ბინას აერთიანებს. ბინის უზარმაზარი ვიტრაჟული ფანჯრებიდან ზღვის საუცხოო ხედი იშლება, რაც პროექტს კიდევ უფრო განსაკუთრებულს ხდის.

რა დაგხვდებათ ბოტანიკოში?

• უფასო ღია აუზი
• უფასო სავარჯიშო დარბაზი
• რესტორანი
• სარეკრეაციო ზონა
• ავტოსადგომი
• უსაფრთხო გარემო და 24/7 დაცვა

კომპლექსში სრულად დაცულია უსაფრთხოების ნორმები. გათვალისწინებულია სახანძრო ტუმბოები, თითოეულ სართულზე განთავსებული ცეცხლმაქრები და ხანძარსაწინააღმდეგო სიგნალიზაცია. გარდა ამისა, სარეზერვო გენერატორი, სპრინკლერული სისტემა საერთო სივრცეებში და სამომხმარებლო წყლის საფილტრაციო სისტემა.

სილქ ჰოსფითალითის გუნდი ასევე გთავაზობთ შემდეგ სერვისებს:

• დალაგება და დასუფთავება
• ბინების გაქირავება
• კონსიერჟი

მდებარეობა

მწვანე კონცხი ბოტანიკო ბათუმის ბოტანიკური ბაღიდან ფეხით 2 წუთის სავალ გზაზე ბათუმის ცენტრიდან კი 9 კმ-ში მდებარეობს და მარადმწვანე სუბტროპიკულ, მშვიდ გარემოშია ჩაფლული.

ზუსტი ლოკაცია - მწვანე კონცხი, ბაღის ჩიხი I N3

გარემო

პროექტის მიმდებარედ არის ტყე, რომელიც იდეალურია პიკნიკისთვისა და სეირნობისთვის. ასევე, მრავალი სასტუმრო, კაფე, რესტორანი, ბარი, მაღაზიები და მინი მარკეტები. უახლოესი სკოლა დაახლოებით 1,5 კილომეტრშია. გარდა ამისა, ფეხით სავალ მანძილზეა აფთიაქი, ბანკის ფილიალები და საავადმყოფო.

ხელმისაწვდომი ტრანსპორტი

კომპლექსიდან 190 მეტრში მდებარეობს საზოგადოებრივი ტრანსპორტის გაჩერება. მწვანე კონცხი ბოტანიკოდან ბათუმის ცენტრალურ ავტოსადგურამდე და რკინიგზის სამგზავრო სადგურამდე ხუთ კილომეტრზე ნაკლებია. ბათუმის საერთაშორისო აეროპორტი მანქანით ნახევარი საათის სავალზეა.

დამატებითი პარამეტრები

მწვანე კონცხი ბოტანიკო თანამედროვე სტანდარტებით, ადგილობრივი კლიმატის მდებარეობისა და მახასიათებლების გათვალისწინებითაა შექმნილი. კომპლექსის გამორჩეული თავისებურებაა სამი მხრიდან შემინული ფასადი. ვიტრაჟული და გაშლილი ტერასები მინის მოაჯირებით საშუალებას მოგცემთ თავისუფლად დატკბეთ ხედებით.

კომპლექსი აღჭურვილია თანამედროვე ტექნიკით: კომპანია „Mitsubishi-ს“ მიერ წარმოებული ლიფტებითა და სახლის ჭკვიანი სისტემა „Smart Hub-ით“, რომელიც მცხოვრებს სმარტფონის დახმარებით აძლევს საშუალებას მართოს სხვადასხვა მოწყობილობა.

ფანჯრები დამზადებულია ორმაგი მინაპაკეტის ენერგოეფექტური მასალით, რომლის დახმარებითაც მზე ბუნებრივად ათბობს ბინებს და მაქსიმალურად ამცირებს გარედან შემომავალ ხმაურს. კორპუსს აქვს ორი სახანძრო კიბე, რომლებიც შემოღობილია მაღალი, ცეცხლგამძლე ბეტონის კედლებითა და სახანძრო კარით. კიბის საფეხურებზე მოცურების საწინააღმდეგო რეზინის ზოლებია.

კეთილმოწყობა

საცხოვრებელ კომპლექსს აქვს სამანქანო და საველოსიპედო ნახევრად ღია ავტოსადგომი მაცხოვრებლებსა და სტუმრებისათვის. მისი ჭერის სიმაღლე 2,40 მეტრია და ყოველ 100 მეტრში განთავსებულია ცეცხლმაქრები. ბოტანიკოს ტერიტორია კეთილმოწყობილი და გამწვანებულია ტროპიკული ხე-მცენარებიით. გაყვანილია როგორც საფეხმავლო ბილიკები, ასევე სამანქანო სავალი გზები და დამონტაჟებულია გარე განათება.

კომპლექსში დაგხვდებათ საბავშვო და მოზრდილების ღია საცურაო აუზი, სპორტული დარბაზი და რესტორანი. საერთო სივრცეებში დამონტაჟებულია CCTV კამერები და კომპლექსის ტერიტორიის დაცვაზე პასუხისმგებელია უსაფრთხოების სამსახური.

კომპლექსი აღჭურვილია საგენერატორო სისტემით, რომელიც ცენტრალური ელექტროენერგიის შეწყვეტის შემთხვევაში სახანძრო უსაფრთხოების სისტემების, სასმელი წყლის ტუმბოების, ლიფტების, პარკინგისა და კორიდორების, შიდა ეზოს საევაკუაციო და ავარიულ განათებას უზრუნველყოფს.

სილქ დეველოპმენტის შესახებ

სილქ დეველოპმენტი 2005 წლიდან საქართველოში უძრავი ქონების განვითარების წამყვან კომპანიას წარმოადგენს. ჩვენ ვქმნით თანამედროვე, მიმზიდველ, შთამაგონებელ და მრავალფეროვან პროექტებს საქართველოს ღირსშესანიშნავ ადგილებში. მათ შორისაა: სასტუმროები, რესტორნები, საცხოვრებელი კომპლექსი, სამორინე, სპორტული კომპლექსი და ა.შ.

განსაკუთრებულ ყურადღებას ვუთმობთ მდგრადობას და აქტიურად ვცდილობთ ეკომეგობრული მიდგომებისა და ინიციატივების ინტეგრირებას ჩვენი პროექტების თითოეულ ასპექტში, რითაც საკუთარი წვლილი შეგვაქვს მწვანე, პასუხისმგებლობიანი მომავლის მშენებლობაში.

ვთანამშრომლობთ ცნობილ საერთაშორისო არქიტექტურულ სტუდიებთან და მათთან ერთად უზრუნველვყოფთ, რომ თითოეული პროექტი მორგებული იყოს მდებარეობის უნიკალურ მახასიათებლებსა და ისტორიას, ჰარმონიულად ერწყმოდეს ირგვლივ არსებულ გარემოს.