პეტრე იბერის ქუჩა 16Ა

საცხოვრებელი კომპლექსის შესახებ

საცხოვრებელი კომპლექსი House on Didi Digomi - თანამედროვე სტილის მრავალსართულიანი საცხოვრებელი სახლი, დაპროექტებული ყველა აუცილებელი საერთაშორისო სტანდარტების დაცვით.

სად მდებარეობს

საცხოვრებელი კომპლექსი House on Didi Digomi თბილისში მდებარეობს კეთილმოწყობილ დიდი დიღმის რაიონში, პეტრე იბერის ქუჩის № 16ა-ში. მშენებარე კორპუსიდან 3,5 კილომეტშია მდინარე მტკვარი. კორპუსის შემოგარენში არ მდებარეობს მსხვილი სამრეწველო საწარმოები, მაგრამ კომპლექსი საკმაოდ ახლოს არის განლაგებული გადატვირთულ ავტომაგისტრალთან.

ინფრასტრუქტურის შესახებ - რა მდებარეობს ახლოს

კომპლექსის სიახლოვეს განთავსებულია პოლიციის განყოფილება, სილამაზის სალონი და მაღაზიები. კილომეტრის რადიუსში მდებარეობს საცხობი, კაფე, საბანკო განყოფილება, აფთიაქი, რეგბის მოედანი და თბილისის ველოდრომი, იდეალური ადგილი აქტიური დასვენების მოყვარულთათვის, აგრეთვე ახლოს არის კლინიკა „იმედი“ და სტომატოლოგიური კაბინეტი. 2,5 კილომეტრის დაშორებითაა წმ. მიხეილის კლინიკა, ჟვანიას სახელობის პედიატრიული კლინიკა, მედცენტრი „ ჯოენი“, საავადმყოფო და ბავშვთა ახალი კლინიკა.

დაახლოებით 8 წუთის სავალ გზაზეა ზოგადსაგანმანათლებლო სკოლა № 186, სიახლოვესაა განთავსებული რამოდენიმე საბავშვო ბაღი.

ტრანსპორტის ხელმისაწვდომობა

საზოგადოებრივი ტრანსპორტის გაჩერება მდებარეობს კომპლექსიდან 70 მეტრის დაშორებით, აქ მოძრაობენ ავტობუსები №14, №15, №32, №54. საზოგადოებრივი ტრანსპორტის მოძრაობის მინიმალური ინტერვალი 5-7 წუთია. კომპლექსიდან 4 კილომეტრშია უახლოესი მეტროსადგური „სარაჯიშვილი“.

6,6 კილომეტრის დაშორებით განლაგებულია რკინიგზის სადგური და ავტოსადგური „დიდუბე“. შოთა რუსთაველის სახელობის თბილისის საერთაშორისო აეროპორტამდე დაახლოებით 45 წუთია საჭირო.

საცხოვრებელი კომპლექსის პატამეტრები და არქიტექტურა

საცხოვრებელი კომპლექსი House on Didi Digomi მოიცავს 2 საცხოვრებელ კორპუსს, რომელთა სიმაღლე 13-14 სართულია. ორივე ბლოკი აშენებულია მონოლითურ-კარკასული ტექნოლოგიის გამოყენებით, ეკოლოგიურად სუფთა ხარისხიანი და უსაფრთხო მასალებისგან. შენობები გაერთიანებულია საერთო სტილობატით, რომელშიც განთავსდება კომერციული ფართები.

თითოეულ კორპუსს გააჩნია მონოლითური რკინაბეტონის კარკასი, გარე ფასადის კედლები დათბილულია თერმოიზოლატორით, რომელიც უზრუნველყოფს საცხოვრებლის ენერგოეფექტურობას. კორპუსებს ბრტყელი სახურავები აქვთ, რომლებიც დაფარულია რბილი წყალგაუმტარი გრაგინილითა და წყალსაწრეტით.

კომპლექსის ორივე ნაგებობაში დამონტაჟებულია ჩქაროსნული უხმო სატვირთო-სამგზავრო ლიფტები, აღჭურვილია თანამედროვე საინჟინრო კომუნიკაციებით, მათ შორის ბუნებრივი აირით, დომოფონით და სხვა აუცილებელი ტექნიკური აღჭურვილობით. სრულდება შემოსასვლელებისა და საერთო სარგებლობის ადგილების მოპირკეთება.

კეთილმოწყობა

კომპლექსის ტერიტორიაზე, დასვენების ზონაში დაგეგმილია სკამებისა და ნაგვის ურნების დაყენება, საბავშვო სათამაშო მოედნის მოწყობა. ბინათმფლობელებისთვის ავტომობილების დროებითი პარკირებისთვის გამოყოფილი ადგილებისა და დიდი მიწისქვეშა პარკინგის აშენება.

კომპლექსის ტერიტორია იქნება გამწვანებული, მოეწყობა სარეკრეაციო ზონები, ლანდშაფტური დიზაინის ელემენტებით. კომპლექსის გარშემო ტერიტორიაზე მოეწყობა ტროტუარები და საფეხმავლო ბილიკები, ასფალტირებული გასასვლელები, დამონტაჟდება ქუჩის სანათები.

კომპლექსის სტილობატში იქნება განლაგებული მაღაზიები, აფთიაქები და სხვა ინფრასტრუქტურული ობიექტები.

ბინების რეალიზაციის შესახებ

საცხოვრებელი ბინების ფართი მერყეობს 38 დან - 122 კვ.მ -მდე. კომპანია სთავაზობს მობინადრეებს მრავალფეროვანი გეგმარების საცხოვრებელ ბინებს. გაყიდვაშია სტუდიო ორ, სამ და ოთხ ოთახიანი ბინები. მშენებლობის ტექნოლოგია საშუალებას იძლევა მარტივად შეიცვალოს ბინების კონფიგურაცია, მოხერხებული სტუდიოს ტიპის ბინები და თავისუფალი დაგეგმარების ბინები. ჭერის სიმაღლე 3 მეტრია. საცხოვრებელი ბინების შეძენა შესაძლებელია შავი ან თეთრი კარკასის მდგომარეობით.

ბინებში დაყენებულია პოლივინილქლორიდის პროფილის კარ-ფანჯარა ენერგოეფექტური მინა-პაკეტით. ყველა ბინას გააჩნია ღია აივანი რკინის ტიხრებით.

ბინის შეძენა შესაძლებელია ერთიანი გადახდით, ნაღდი ანგარიშსწორებით. გაყიდვების ოფისში შესაძლებელია დამატებითი ინფორმაციის დაზუსტება გადახდის სხვადასხვა საშუალებების, განვადებისა და იპოთეკის პირობების შესახებ, აგრეთვე პროექტის ტექნიკური მახასიათებლების შესახებ დეტალური ინფორმაციის მიღება.

სამშენებლო კომპანიის შესახებ

სამშნებელო სამუშაოებს აწარმობეს კომპანია Didgori 2011, კომპანიის საქმიანობა უკავშირდება ქ. თბილისში მრავალბინიანი საცხოვრებელი კომპლექსების მშენებლობის უზრუნვეყოფას.